Августрал 18-нний Дагъусттаннал Бакlчи Сергей Меликов хьунаавкьунни АьФ-лул субъектирдавусса ДР-лул вакилтуращал.
Хьунабакьаврий ххал бивгьунни регионнал дянивсса лябуккулул ДагъусттаннацIун бавхIусса масъалартту.
Сергей Меликовлул тIимунийну, му давриву хъунмасса кIану бугьлагьиссар ДР-лул вакилтурал ва субъектирдавусса региондалул хIукуматрал. Миннал хьхьичIсса хъунмур масъала хъанахъиссар региондалийсса властьрал органнан кумаг баву. ЦIанасса ппурттуву дуллай бур вакиллугъирттал давуртту ялунгу хъин чулиннай даххана дувансса сакиншиндарал давуртту. Хъуннасса къулагъас дувантIий дур машлул-экономикалул иширттах, миллатирттал дянивсса арарду цIакь даврих ва культуралул масъаларттах.
Республикалул каялувчинал бувсунни мукунма жагьилтал ватан ххирашиврий тарбия баврил масъаларттал хIакъиравугу.
Билаятрал субъектирдавусса ДР-лул вакилтурал давурттая гьартану бувсунни Дагъусттаннал миллатирттал политикалул ва диннал иширттал министр Энрик Муслимовлул, республикалул экономикалул ва территориярттал лябуккулул министр Руслан Аьлиевлул ва цайминналгу.
