Вай гьантрай МахIачкъалаллал АхIмад-Хан Султаннул цIанийсса аэропортрайн бувкIунни самолетирттайн пассажиртал лахъан ва бучIан байсса телетрапру.
Ухссавнил Ккавкказнаву укунсса телетрапру цалчин Дагъусттаннал аэропортрайнни бувкIсса. Вай телетрапру бивхьуссар сенатор Сулайман Керимовлул хIарачатрайн бувну. Оборудование дихьлахьисса куц ххал бигьин увкIунни ДР-лул ХIукуматрал секретарь Хизри Абакаров.
ХьхьичIва пассажиртуран самолетирттачIан, чIунгу харж дурну, занан багьайва автобусирттай. Утти кIива телетрапрал кумаграйну кIилийну чIявусса пассажиртал кьамул буллан бюхълай бур. Ссятрал мутталий 60 пассажир кьамул уллай ивкIхьурча, цIана 150 пассажир кьамул уллантIиссар.
Му бакъассагу, аэропортрай дуллай байбишин най бур самолетру лехлансса ва ликлансса цIусса полосагу.
