Вай гьантрай Къабардин-Балкьарнал Тырныауз шагьрулий хьусса кIумур атлетикалул Ухссавнил Ккавкказуллал чемпионатрай Дагъусттаннал цачIундур командалул дурххунни 10 медаль.

Исмяил ХIажибагов хьунни чемпион чурххал 55 килорал кIушиврий, двоеборьелий 225 кило гьаз дурну. Арцул медаль ларсунни Ссамад Ясиевлул (81кило).Чарвитул медаллу дурххунни Эмран Агъагюловлул (55кило) ва Рамазан Тарлановлул (96 кило).
Душваравату хьхьичIмур ххуттай бур Мадина Баймурадова (71 кило) ва Саида Мирзабегова ( 87 кило). Арцул медаллан лайкь хьунни Зарина Аьбдулкьагьирова ва Жамила Агъа­лавова (76 кило). Шамилчинми кIанттурду бувгьунни Асият Байсултановал (64 кило) ва Аида МахIаммадхIажиевал (76 кило).