Уттигъанну Нижегородуллал областьрал Культуралул министерствалул, Владимирскаллал областьрал культуралул департаментрал, Москав шагьрулул культуралул департаментрал ва Татарсттан Республикалул Культуралул министерствалул чIарав бацIаврийну хьунни дунияллул халкьуннал дянив­сса «Классикалул гьавас» («Вдохновение классики») тIисса конкурс. Муний ДР-лул искусствалул лайкь хьусса ишккакку, ДР-лул ПаччахIлугърал премиялул лауреат, Аьрасатнал Композитортурал союзрал Дагъус­ттанналмур отделениялул жаваблувсса секретарь, Дагъусттаннал паччахIлугърал опералул ва балетрал театрданул директорнал хъиривчу Заурбег Жанаевлул «Сюита для фортепианного трио» цIанилусса музыкалул произведение лайкь хьунни 1-мур кIанттун.