Рульданух най ивкIсса инсаннай, АьФ-лул Уголов кодексрал 264-мур статьялул 3-мур бутIуйн дагьлагьисса ххуллул низамрал тIалавшиннарду къадуруччаврийн бувну, инсан оьрмулуцIа шаву тахсир ккаклакисса уголов делолуцIун бавкьунни МахIачкъалаллал прокуратура.
Силистталул бусласимунийн бувну, тахсирлув уллалиманал, 2020 шинал август зурул 18-нний ссят 19.20 минут1 хьуну «ВАЗ 217030 Лада Приора» машиналий Ахъушинскийл цIанийсса кучалийх Ухссавнил чулийсса автостанциялийн нанисса чIумал, ххуллул низам къадурурччуну, ххуллу лахълахъисса ахьттачунайн машина щун бувну бур. Ва хьусса цIунцIиялул оьрмулуцIа увну ур. Ва иширал хIакъиравусса уголов дело ххалдигьин МахIачкъалаллал Кировский райондалул судрайн тIайла дурккун дур.
М. А. ХIамидов, МахIачкъала шагьрулул прокурорнал хъунама кумагчи
