МахIачкъалаллал прокуратуралул тIайлашиврий ккарккун дур хасъсса маркировка дакъасса къалиян даххан кьаст лархIусса инсаннал хIакъиравусса уголов дело.
Силистталул бусласимунийн бувну, 2020 шинал март зуруй ванал Хасавюртуллал базаллуву ца инсанначIату лавсун бур 59 азарва хасъсса маркировка дакъасса къалияндалул пачка. Вайннул багьа 2802500 къурушрайн лахълай бур. Ванал лавсун увкIун ур ми ГАЗ 3302 машиналий МахIачкъалалив, хьхьичIва хIадур бувсса арендалий лавсъсса къатравун (Н. МахIаммадовлул цIанийсса кIичIиравусса), яла баххансса пикрилий.

2020 шинал июль зурул 3-нний полициялул зузалтрал зеххиннин, къалияндалул къуршив микку бивкIун бур. Ва иширал хIакъиравусса уголов дело ххал дан тIайла дурккун дур МахIачкъалаллал Кировский райондалул судрайн.
М. А. ХIамидов,
МахIачкъала шагьрулул прокурорнал хъунама кумагчи