Ноябрьданул 16-нний Дагъусттаннал БакIчи Сергей Меликовлул дунни Дагъусттаннал цаппара кIанттурдай чани ва щин дакъа личIаврил хIакъираву анавархъиндарайсса батIаву.БатIаврил савав хьунни МахIачкъалалив ва цаппара муниципалитетирттай халкь тток бакъа личIаву.Гьавалул тагьар оькки хьуну,Дагъусттаннай чирахъ бакъа ливчIун бия 100- азаруннаяр ххишаласса инсантал.Мукунсса тагьар хьувкун,Дагъусттаннал БакIчинал тапшур бунни МахIачкъалалив дузал буван оператив штаб,мивун буххан бунни МЧС-рал вакилтал ва шагьрулул циняв мурадлувсса къуллугъру.

Му штабрал каялувшиву дуллан тапшур бунни ДР-лул вице – премьер – энергетикалул министр Владимир Лемешкойн.

Сергей Меликовлул бувсунни,авариялул тагьардануцIунсса циняв масъалартту дузрайн букан буллан аьркиншиву оператив штабрал ччясса мутталий.

БатIаврий мукунма ххал бивгьунни ЦIуссалакрал райондалий токрал подстанция зузи баврил масъалагу.Сергей Меликовлул тапшур бунни ччясса мутталий электроэнергиялул объект зузи буван ,аьркин хьурча,республикалул луртандалул фондрал арцугу ишла дурну.

«Россетти Северный Кавказ»- «Дагэнерго» филиалданул бусаврийну,гужсса гъарал лачIаврийну ва марч сукку шаврийну МахIачкъалалив ва мунил къирагърай, мукунна цаппара районнай чани левщуну бия.ГаваццIана пишакартал зун бивкIссар энергиялул объектирдаха.

ХIадур бувссар