Декабрь зурул 24-нний Москавлив, Аьрасатнал Жяматийсса палаталуву, хьунни Национал иширтталсса буллалисса федерал агентствалул (ФАДН) цIуну бувчIусса Жяматийсса советрал цалчинсса заседание. Ва советрал председательну увчIунни жула лаккучу, ХIадислул арс Анвар ХIажиев. Зий уссар Анвар Ухссавнил Ккавкказуллал иширтталсса буллалисса министерствалул агентствалул гендиректорнал маслихIатчину. 2016 шинал Анвар ХIажиев лайкь хьуну ур Аьрасатнал Президент Владимир Путиннул цIаниятусса барчаллагьрангу.
Барча тIий буру Анвардухь цIусса къуллугъ, умудрай буру ванал бюхъу-тяхъагу, куртIсса кIулшивурттугу, каялувчинал гьунаргу ва даврийгу цIакь хьунтIишиврий, агьалинан хайр-мюнпатсса давурттал ва проектирттал кумагчи, чIарахацIу хьунтIишиврий.