МахIаммадаьлил арс Даниял Магьдиев

МахIаммадаьлил арс Даниял Магьдиев

Вай гьантрай оьрмулул юбилей хъанай дур Ккур­ккуллал шяравасса ххаллил­сса педагог, шаэр, жяматий­сса ишккакку ва унгу-унгусса патриот Магьдиев Даниял МахIаммадаьлил арснал. Нажагьсса бухьунссар ванал цIа къакIулсса, къабавсса.

Увну ур Даниял 1946-ку шинал январь зурул 3-нний Ккур­ккуллал шяраву. Къуртал бувну бур Дагъусттаннал педагогикалул институтрал филологиялул факультет. Муния мукьах чIярусса шиннардий зий ивкIун ур Ккурккуллал дянивмур даражалул школалий ­оьрус мазрал ва литературалул учительну, завучну, сайки 35 шинай директорну. Даниял ДР-лул лайкь хьусса учителли, Аьрасатнал ва Дагъусттаннал халкьуннал кIулшивуртту дулаврил отличникри.

1991-ку шинал Даниял кьамул увссар Аьрасатнал Чичултрал союзравун.1996-ку шинал лайкьну дурурччуссар педагогикалул элмурдал кандидатнал диссертация.
Мукьра шинай лув, ялув (1998-2001) хIалал дурссар «Шинал директор» тIисса цIа.

ХIакьинусса кьини Даниял зий уссар Лакрал райондалул Хъунисриннал советрал председательну.

Читайте также: