ЦIимилул кьуцуртту

ЦIимилул кьуцуртту

Декабрь зурул 19-нний Ккуллал ва Лакрал районнайсса агьалинайх «Инсан» фондрал бавчIунни продуктилул кьуцуртту. Вай халкьунначIан шаппа-шаппай биян бан кумаг бувссар волонтёртурал. КIирагу райондалийсса 400 кулпатран 1000 кьуцуру буллуну бур ва ххуллух.

Ва давривух гьурттушинна дунни Дагъусттаннал муфтинал хъиривчу Аьбдуллагь Салимовлул, Лакрал ва Ккуллал районнал имам Шамил БахIандаьлиевлул, просвещениялул отделданул каялувчи МухIаммад Аьлиевлул ва Лакрал жагьилтурал ккурандалул бакIчи МухIаммад-Маннар Бариевлул.

КIицI лаганну ва чумартсса акциялуву М.Илиясовал цIанийсса «Дараччи» фондгу гьуртту хьушиву. Фондрал хъунмур Гульшан Хасаевал тIийкун, пандемиялул къабигьасса ппурттуву укунсса кумагру инсантуран хъинну бусрав хъанахъишиву. Мудангу кумагру бувай «Инсан» фондрал агьалинан, гьашину личIинува ччя-ччяни буллай бур.

Аватар

Патимат Рамазанова

Заслуженный работник культуры РД

Читайте также: