«Демография» нацпроектрал лагрулийсса «КIулшивурттал ара лядуккан даву» тIисса федерал программа дузрайн дуккан дуллалисса давурттавух АьФ-лул Обороналул министерствалул жулла республикалий уттинин бувну бур аьмну 20 оьрчIал багъ ва школа.
Цалчинсса оьрчIал багъру бувну бур Къизилюртуллал райондалийсса Кульзебрай ва Учкентрай. МахIачкъалалив «Ак-Гель» микрорайондалий бувну бур 250 чIивитIунсса оьрчIал багъ, Эндирей поселокрай — 300 дуклаки оьрчIансса школа. Ведомствалул цIуну бувсса оьрчIал багъру ва школартту мукунма щаллу бувну бур уттизаманнул кьай-кьуйлул, техникалул, бувну бур спортрал дарсру, гимнастика дихьлансса, оьрчIру бялахълансса майданну. ТIивтIуну бур лингвистикалул, химиялул, физикалул ва биологиялул лабораториялул кабинетру.
Утти ялун нанисса 2021 шинал МахIачкъалалив, Каспийскалий, Дарбантлив, Буйнакскалий, Къизлардай, Избербашлив ва республикалул 23 райондалул щархъай Минобороналул бантIиссар 13 школа ва 46 оьрчIал багъ. Хъуннасса къулагъас вай идарартту буллалисса чIумал дувайсса дур оьрчIал ва гиву зунтIисса пишакартурал цIуллу-сагъшиву мюхчан дувансса, агьали буруччинсса давурттах.
Республикалий цIусса школартту ва оьрчIал багъру буллай буссар Аьрасатнал Президентнал сипталий.
