АхIвал кIюланан, миски-гъаривнан кумаг байсса кьинилуцIун дархIуну, уттигу ца чирилул акция дайдирхьунни Давуд Амиров бакIчисса «ЦачIу бюхъантIиссар» («Вместе сможем») тIисса чирилул фондрал.
Акциялул лагрулий щалагу Дагъусттаннайсса ахIвал кIюласса азарва кулпатрайх усру дачIинсса пикри бур. Фондрал каялувчи цинявнналагу цIания барчаллагь баян буллай ур дачIинсса усру дуллусса цехирдайн.
[dropcap]В[/dropcap]а бакъассагу, фондрал баян буллай бур, «Жува цачIу буссару» («Мы вместе») цIанилусса щалагу Аьрасатнал проектрал лагрулий, Лакрал, Ккуллал ва ЦIуссалакрал районнайсса ахIвал кIюласса, чIявусса оьрчIру бусса кулпатирттавасса ва мушакъатсса оьрчIан ЦIушинал бахшишру дансса арцу ратIлай бушиву. Бахшиширттансса арцу ратIлан тIий бур шанма гьантлий. Ва хьунтIий дур «ЦачIу бюхъантIиссар» тIисса фондрал ва шинал дуллалисса махъра-махъсса чирилул акция. Акция хьунтIиссар декабрь зурул 25-26-нний.
Фондрал оьвчаву дуллай бур, акциялувух хIала уххан ччисса, ка-кумаг бан ччисса ухьурча, шайнал шаймур бувну, бачияра ххари баннуча жула оьрчIру тIий.
Телефон: 8-988-781-60-30 – Давид АбутIалибович. Номер банкрал карталуцIун бавхIуну буссар.
