Цинявппагу жагьилтал цIуллу-цIакьну зана хьуннав

Каспийскалий хьунни аьралуннаву къуллугъ буван нанисса жагьилтал тIайла буклакисса шадлугърайсса батIаву.


Микку жагьилтурахь наси­хIатрайсса махъру лавхъуна шагьрулул военком Марат Пашаевлул, шагьрулул администрациялул бакIчинал хъиривчу Людмила Левицкаял, «Аьрасатнал ниттихъул» тIисса жяматийсса суккушиндарал Дагъус­ттаннаймур отделениялул председатель Таиса МахIаммадовал, «Завод «Дагдизель» АО-лул технический директор Геннадий Кьурбановлул, шагьрулул Хъунисриннал советрал председатель ХIанипа Жабраиловлул ва м.ц..

— Ватан дуруччаврияр бусравсса цир дусса? Хъамамабитари зува цайми миллатирттал дянив Дагъусттан ккаккан буллай бушиву. Дагъусттаннайрив мудангу сийлий диркIссар ва ду­ссар ццах бакъашиву, Ватандалийн хаин къашаву. Зулва зува бурувччуну бикIияра, буруччира зулва дустал. Ялугьлай буру цIуллу-цIакь хьусса, кьянкьа-кьурчIи хьусса зух махъунмай, ватандалийн, ца шинавун, — увкуна Геннадий Кьурбановлул.

Читайте также: