Вай гьантрай Сириянал лагерьдая Обороналул министерствалул самолетрай Аьрасатнавун бувцуну бувкIунни 27 оьрчI, миннава 17 оьрчI биян бунни Дагъусттаннайсса мачча-гъанначIан.
Андриана Аьбдуллаева
Медициналул зузалтрал ххал дунни оьрчIал цIуллу-сагъшиврул тагьар, ларсунни коронавирусрал инфекциярагу дакъарив кIул бансса тестругу. Аьмну оьрчIал цIуллу-сагъшиврул тагьар оьккисса дакъар.
ДакIнийн бутан, дяъвирду нанисса Иракьнал ва Сириянал билаятирттая балугъравун къабивсса Аьрасатнал оьрчIру буккан буллалисса даву дайдирхьуссия 2017 шиналла, Аьрасатнал Президент Владимир Путиннул тапшуршиндарай. Ва даву дуллансса мурадрай оьрчIал ихтиярду дуруччаврил вакилначIа сакин бувссия хасъсса комиссия.
Муния шихунмай комиссиялул хIарачатрайну дяъвирду нанисса Гъанмур Баргъбуккавал чулухсса билаятирттая Ватандалийн зана бувну бур 224 оьрчI, миннава 122 ,Иракьнава, 102 — Сириянава.
