Дагъусттаннал ва Ростовуллал областьрал ФСИН-далул управлениярттал хъунаману ивкIсса Муслим Даххаевлун кIира шинай поселениялул колониялий щяитансса танмихI кьувкьуну бур. Укунсса хIукму бувну бур Ростовуллал областьрал судрал.
Андриана Аьбдуллаева
[dropcap]М[/dropcap]услим Даххаев увгьуссия 2019-кусса шинал ноябрь зуруй, паччахIлугърал кьюлт1сса затру ашкара баврийн щак тIий.
Кьувкьусса танмихIрайн бувну Даххаевлун кIира шинал дуснакь ккаккан баву бакъассагу, вара чIумул мутталий паччахIлугърал къуллугърай ва кIанттул каялувшиндарал органнаву зун бучIину бакъар. Силистта наниссаксса хIаллай щяивкIун ивкIсса чIун ца гьантта кIиннин хIисавну ккалли дантIий бур. Мунийн бувну, Муслим итаакьин бюхъайссар ноябрь зурул 13-нний (2020 шин) .
КIицI лаган, Даххаев мукIру къавхьуссар цайва тахсир хьушиврий. Ванал адвокатътал бувсса танмихIрацIун бавкьуну бакъар ва пикрилий бур ванай тахсир бувагу къавхьушиву мяйжан бан.
