Вай гьантрай Дагъусттаннал Халкьуннал Мажлисрал депутат Амирхан Амирханов увкIунни МахIачкъалалив буллалисса ясли-садрал строительствалул даву ци тагьарданий дурив ххал дан.
Имара Саидова
[dropcap]М[/dropcap]ахIачкъалалив Сепараторный поселокрай буллалисса оьрчIал багъ бур 60 оьрчIансса кIану бусса. Ва райондалий буллалисса оьрчIансса ясли-сад, буниялагу, хъинну тIалавсса ва вайминнуяр бахханасса бур. Ва оьрчIал багърал дахханашивугу дур укунмасса оьрчIавух шивун итххяххаврил чулуха махъун багьлагьисса оьрчIругу кьамул буллалаву. ХIасил, жучIава Дагъусттаннай ва журалул оьрчIал багъ цалчинни буллалисса. Парламентрал вакилтурал оьрчIал багърал строительствалул даврин лайкьсса кьимат бивщунни ва кIицI лавгунни шикку диялсса давуртту дузрайн дуккан дурну душиву.
