Республикалул аьрали комиссариатрал къатраву хьунни ссуттилсса призыврал хIакъиравусса пресс-конференция. ­

Андриана Аьбдуллаева
Дагъусттаннал аьрали коми­ссар Дайтбаг Мустапаевлул бувсунни Аьрасатнал Президент Владимир Путиннул хIукмулийн бувну, гьашину щалагу билаятрая аьралуннаву къуллугъ бан 128 жагьил уцинтIишиву. Да­гъусттанная буцин ккаккан бувну бур 3500-нния ливчусса жагьилтал.
ЦIанасса чIумал цинявппагу шагьрулул ва районнал призыврал комиссияртту чялишну зий бур. Комиссия бан оьвчин тIий бур аьралуннаву къуллугъ бан буржлувсса 60 азарунния ливчусса жагьилтурайн.

Призыврал комиссия нани­ссаксса хIаллай коронавирусрал азарунния мюхчан шаву мурадрай санитариялул нормарду дуруччаврил ялув бацIантIиссар.
Аьралуннавун бувцусса жагьилтал къуллугъ буллантIиссар цинярдагу аьрали округирттай ва Ухссавнил флотрай. Мукунма вай тIайла буккан тIий бур аьрали авиациялувун, Дянивмур ва Баргъбуккавал округирттал аьралуннавун. Жагьилтал аьра­луннавун тIайла буклан тIий бур октябрь зурул 15-нния байбивхьуну.