Миллатирттал иширтталсса бувайсса Федерал агентствалул баян баврийну, байбихьлай бур дунияллул халкьуннал дянивсса «Оьруснал цивилизация» («Русская цивилизация») тIисса IV фотоконкурс.

---

Конкурсравух гьуртту хъанахъиминнан ноябрьданул 5-нния 15-нин аьркинссар www.ruciviIization.ru. сайтрайн конкурсрал номинациярттайн дагьайсса, амма 5-ннияр чIяру дакъасса, суратру гьан дуван. Конкурсравух гьуртту хьун бю­хъайссар оьрмулул 18 шин хьуния тинайсса ччима инсаннаща, Аьрасатнавасса акъассагу, дазул кьатIатуссаннащагу.
Конкурс хьунтIиссар «Ля­личIисса тIабиаьт» («Уникальная природа»), «Сипатру ва никру» («Лица и поколения»), «Хъун билаятрал аьдатру» («Традиции большой страны»), «Архитектура ва скульптура», «ЧIяву миллатру бу Москав» тIисса номинациярттай.

Конкурсрал жюри сакин хьуну бур машгьурсса суратрищултрая, журналистътурая ва жяматий­сса ишккаккултрая. Миннал язи дургьусса суратирттал автортал гьурттусса шадлугъ хьунтIиссар Москавлив, ва ми суратру лархъун дикIантIиссар билаятрал хъун-шагьрулул кIичIирттаву.

Бадрижамал Аьлиева