Щаллагу дунияллий сентябрьданул 30-нний кIицI лагай Таржумачинал кьини. Му иширан хасъсса шадлугъру хьунни МахIачкъалаливгу, миннувасса цагу – Гьунар бусса оьрчIансса центрданий.
Миккусса зузалтрал дуклаки оьрчIан хIадур дурну дия хасъсса дарс ва конкурс. Центрданул педагог Регина Аьбдуссаламовал дуклаки оьрчIахь бувсуна байрандалул тарихрая, ттизаманнайсса таржумачинал пишалул агьамшиву хъиннура ларайсса душиврия.
Таржумачинал кьини кIицI лаглагаврил сиптачину хьуну бур Франциянаву ларгсса ттуршукулул дязаннив сакин бувсса Дунияллул халкьуннал дянивсса Таржумачитурал федерация. Сентябрьданул 30-кусса кьинигу язи дургьуну дур Ветхий ва Новый Заветирттал ягьудинал текстру латин мазрайн щаллуну таржума бувсса Святой Иероним Спиридонскийл аьпалун.
Ва кьини дуклаки оьрчIал дянив хьусса «Язима таржумачи» тIисса конкурсрай ххув хьуминнан буллунни дипломру.
Бадрижамал Аьлиева
