[dropcap]Н[/dropcap]а язи дургьусса касму-пишалул даву дархIусса дур «Илчи» кказитрацIун. Мунияту гьарца шинахсса подпискалул ялувгу буруккин бакъа къаикIара.
Гьай-гьай, на ура цал, циняв инсантал куна, ттула буруккинттарай, яла кулпатрал, тухумрал, ттула шяраваллил, нава яхъанахъисса райондалул, Дагъусттан Республикалул, Аьрасатнал Федерациялул.
Уттигъанну Аьрасатнал телеканалданий бия, Хъун дяъвилуяр махъ хьусса икьралданийн бувну, жулану хьусса Куриллал жазирарттаясса бяст-ччал. Микку цаннал зумату бувккуна: «Зу ци тIий буру, ненттабакIрай ка дирхьуну, жула жазиралия японналмунил чулийнай ургарчагума, тайннал цачIара хIасул дурсса оьрму бутаврил шартIру янилун дагьлан дикIай», — тIисса махъру.
Ккуллал райондалий 2020-ку шинал цалчинмур дачIишинай чивчуну буссия 431 кказит. КIилчинмур дачIишинайн тIурча, вайннува 32 кказит чанну чивчуну бур.
Шиккува кIицI бан, Хъун дяъви къуртал хьуну махъ сакин дурсса Японнал конституциялий чивчуну буссар, аьралий гуж японнал къабикIан аьркиншиву. Циван учирча, цIунилгу чIаххувсса хIукуматирттайн гьужум къабулланшиврул.
Муниятур японнал техникалул хъит учавугу къатта-къушлин аьркинмунил чулиннай ххишаласса хьусса. Жула СССР-дануннив багьссар цIунилгу цIакьшиву дуллан. Аьрасатнай ччан бизан ччисса гужру уттигу чансса бакъар. Мунияту, бюхъай жула Ватандалул мюрщи миллатирттал культуралул ишру хъит учин баврил чулиннай ка хъирив къалаллай дикIан.
«ТIайланмасса текстрай» къатIурчагу, аьлтта чIалай бур, культуралулсса хьуннав, миллатрал маз ябаврилсса хьуннав мурадру жува щаллу буллан багьлай бушиву, «хъунама уссил» биттур баннин къаялугьлай. КIулшиву дулаврил кьануннаву дурсса дахханашивурттаву миллатирттал маз лахьхьаву нитти-буттал цала хушрайсса душиврул масъала хьхьичIун лавсун бур хIакьину. Цахъис бунугу, лагма хъанахъимунил мархха-ххунулувух ябитан бюхълахъиманан бувчIлачIисса зат бурхха, Аьрасатнал паччахIлугъран хIакьину бигьану бакъашиву. Амма Путин цащава шаймургу, ца ххишалагу буллай ур, агьалинан куклушивуртту, арцуйнусса хьуннав, кьануннайсса хьуннав, щаллу дуллай. Жунма укунсса ххуйшивурттах чIявуну ялугьлан къабюхъант1ишивугу чIалай бур.
Ккуллал райондалий 2020-ку шинал цалчинмур дачIишинай чивчуну буссия 431 кказит. КIилчинмур дачIишинайн тIурча, вайннува 32 кказит чанну чивчуну бур. Кказитру чанну чичаврил багьантту личIи-личIисса бур. Яла агьаммурдив миннува, жула зунттавусса шяраваллаву зуруй харж булайсса давуртту дакъашиву бур. Жагьилтуран зунсса кIанттурду бакъар. Жула культура, кIулшиву ласаврил , кказит-журналлу ябаврил чулинмайсса ишру, мурадру, так цавай инсантурахун къабивчуну, щалвагу лакрал миллатрал янилу бикIан аьркинсса масъалартту бур.
