[dropcap]А[/dropcap]ьрасатнал цаймигу регионнай кунна,жула республикалийгу, коронавирусрал инфекция ппив хьуну ,мадарасса ч1ун ларгунни инсантал шаппа шаппа щябивкIун.
Вана, хIалли-хIаллих тIий, дукьан дуллай халкь азардания мюхчан бан баян бувну дирк1сса режим.
Уттирив халкьуннавух ппив хьуну бур цамургу аваза, коронавирусрал инфекциялул к1илчинмур щатIи ялун биян бюхъайссар тIисса. Му бунияласса хавар буссарив ягу щялусса буссарив чIумул ккаккан банссар.Мунияту халкьуннан аьркинни уттинин дуллай бивкIсса шартIру вания тихуннайгу щаллу дуллан:
Кару ччя-ччяни шюшлан;
Кувнная кув ца метра ва дачIи манзилданул архну бик1ан;
Лажиндарайн кару къащилан, аьнч биярча, медициналул салфеткалух байщун бан;
Медициналул маскарду ва катIри лахлан.
Вай шартIру ишла дулларча, зу зувагу,зула гъан-маччамигу буручлачиссару нигьачIисса азардания.
Цалсса тIурча, жулла республикалий эпидемиологиялул тагьар лагь хьунни,умуд бишинну чIумух бурувгун азар духлаганссар тIий.
Камила МахIаммадова,
ДГУ-лул филологиялул
факультетрал журналистикалул отделениялул 3-мур курсирал студенткал
