[dropcap]К[/dropcap]улпатрал кьинилун хасну, «Дагестан» РГВК-лул иялул зузалтрал кулпатрая. Вневедомственный къаралданул зузала, полициялул капитан Руслан Раджабов ва лицензияртту ва ихтияр дулайсса центрданул инспектор,
полициялул лейтенант Алина Раджабова кIул хьуну бур цаннащал ца 2013-ку шинал Аьрасатнал МВД-лул Воронежрайсса институтрал студентъталсса чIумалва. Дагъусттаннаясса жагьил Руслан та чIумал 5-мур курсрай дуклай ивкIун ур, Алина тIурча — цалчинмур курсрай. ДакIний-мазрай бакъасса хьунабакьаврицIун бавхIуну бур вайннал кьадар.
Андриана Аьбдуллаева
КIул хьуну хъунма хIал къавхьуну, Русланнул Алинахь цанма буцин ччишиву бувсун бур. Алина буслай бур цуппа най буна рязи хьушиву ва Русланнущал кIул бакъасса архсса Дагъусттаннайн бачин нигьа къабувсшиву.
ХъатIи бувну махъ цаппарасса хIаллай вайннан личIи-личIину ялапар хъанан багьну бур. Алина, дуккаву къуртал дуллай Воронежрай ливчIун бур Руслан тIурча, Ватандалий ихтиярду дуруччай органнай зун ивкIун ур.
2018 шинал вай ялапар хъанан бивкIун бур цачIу Дагъусттаннай.
— Дагъусттаннал Росгвардиялул управлениялул хъуниминнал хIарачатрайну, ттуща ласнал ватандалийн перевод ласун бювхъунни. Утти жу цачIу Дагъусттаннай ялапар хъанай буру, — буслай бур Алина.
Русланнул ва Алинал ур ца шин хьусса арс. Даврия тархъансса чIун ниттил ва буттал ванан хас дуллай бур.
Гьарца инсаннал оьрмулуву яла агьаммур кулпатри, ччавур, цаннайн ца тIайлашивур. Вари инсаннал талихI. На чIа тIий бура гьарца кулпатран марцIсса ччаву, куннан ку бувчIлачIаву, талихI-тирхханну, — тIий бур Алина Раджабова.
