ЗахIматрал рынокрайсса тагьар бигьа даву мурадрай

[dropcap]К[/dropcap]оронавирусрал инфекция ппив шаву сававну, захIматрал рынокрайсса чIурусса тагьар лагь даву мурадрай, цаппара зузи идарарттай 2020 шинал

Дагъусттаннай федерал бюджетрал арцух бартдигьлагьиссар кризисрайн къаршисса программа. Муний ккаккан бувну бур дуван укунсса давуртту:


— сакиншиннардал зузалт чIумуйсса давурттал дузал був­сса чIумал, ми давурттал дузал байминнан арцу итадакьаву, зузалтран харж булун бюхъаншиврул. (Ца зузалан дулун ккаккан бувну бур 15 793 къуруш 3 зуруйсса).

— зузалт давурттал дузал байминнал зузалтрансса харжлугъ лахъаву дувансса арцу итадакьаву, агарда ми жяматийсса давурттай чIумуйсса зий бухьурча. (Ца зузалан 15 793 къуруш 3 зуруйсса). Жяматийсса давурттай чIумуйсса зузиминнан буллусса харж лахъан итадакьайссар МРОТ-рал даражалийсса арцу страховой взносругу ялун ххи дурну. (15 793 къуруш 1 инсаннан 3 зуруйсса).
Давурттал дузал баймигу хъанахъиссар юридийсса идарартту ва ишбажаранчитал. ЧIумуйсса давурттал дузал буллантIиссар идарарттал зузалт, агарда ми идарарттай чIумуйсса захIматшивуртту хъанай духьурча. Мукунсса идарарттан аьркинссар чIумуйсса давурттаяр тинмайгу зузалт давурттал дузалну битан, гава идаралий, ягу ми цайми идарарттай дузал буван.

Субсидияртту булайссар юридийсса идарарттан ва ишбажаранчитуран конкурсрал гьанулий.
Субсидияртту булуншиврул идарарттал къабикIан аьркин­ссар налогирттал, сбордал, страховой взносирттал, пенирдал, миннул процентру лахъаврил буржру.

КъабикIан аьркинссар идаралул чIун чIарах дурксса харж къабулаврил буржру.
Идара къабикIан аьркин­ссар бухлаган баврил, банкротствалул, реорганизациялул тагьарданий.
Идаралул дурурччуну дикIан аьркинссар цаймигу шартIру.

Ва программалий гьуртту шаврил хIакъиравусса цамургу информация ласун хьунтIиссар ДР-лул ЗахIматрал ва социал иширттал министерствалий (тел. 64-15-88) ва районнал ва шагьрурдал давурттал дузал баврил идарарттай.