[dropcap]И[/dropcap]юльданул 17-нний ДР-лул ХIукуматрал Председатель Артем Здуновлул кIул бунни Республикалул Промышленностьрал ва машлул министерствалул ва ДР-лул Энергетикалул министерствалул зузалт миннал цIусса каялувчитуращал.
ДакIнийн бутанну, мунияр чансса хьхьичI Дагъусттаннал БакIчинал ХIукмулийну, Республикалул Промышленностьрал ва энергетикалул министерствалия бувссар ДР-лул Промышленностьрал ва машлул министерство, мунийн тапшургу дурссар ДР-лул Ишбажаранчишиврул ва инвестициярттал агентствалул давурттугу, мукунна ДР-лул Экономикалул ва территориал лябуккулул министерствалийн багьлай бивкIсса дунияллул халкьуннал ва кьатIаллил билаятирттащалсса давурттал масъалартту.

Цамургу ХIукмулийну, ДР-лул БакIчинал промышленностьрал ва Энергетикалул министрну ивкIсса Сайгидпаша Оьмаханов мурахас увунни му къуллугърая ва ивтунни ДР-лул БакIчинал Ухссавнил территориал округрайсса вакилну.
ДР-лул промышленностьрал ва машлул министрну ивтунни Батыр Эмеев. Му хьхьичI зий ивкIссар ДР-лул промышленностьрал ва энергетикалул министрнал хъиривчуну.

Ва ялагу, сакин бувунни Рес­публикалул Энергетикалул министерство, мунил бакIчину ивтунни хьхьичIа ДР-лул ХIу­куматрал Председательнал хъиривчуну зий ивкIсса Владимир Лемешко.
Хьунабакьаврий Артем Здуновлул бувсунни цIусса министерстварттал бартбигьлан аьркинсса масъаларттая.

ХIадур бувссар
ХI. Аьдиловлул