[dropcap]Д[/dropcap]агъусттаннал ЦIуллу-сагъшиву дуруччаврил министерствалул 2020 шинал ахирданийннин 29 ФАП тIитIин най бур республикалул щархъаву.
«Здравоохранение» тIисса миллатирттал проектрал лагрулий 19 ФАП бан най бур федерал бюджетравасса ва 10 % региондалул бюджетравасса арцуйну.
Имара Саидова
Му бакъассагу, «Развитие первичной медико-санитарной помощи» тIисса проектрал лагрулий, районнал щархъаву, ФАП-ру баву бакъассагу, буллан най бур амбулаториярду, участокрал азарханарду ва анавар кумаграл машинарттал бригадартту бацIавансса пунктру.
ДакIнийн бутанну, ларгсса шинал цимурцаннул дузал бувсса 20-хъул ФАП-ру бувшиву. Байбихьулий итадаркьуну диркIссар так 15 ФАП-рансса арцу, 5 ФАП бувссар махъун диртсса арцуйну.
Шиккува кIицI лаган, 2024 шинайн бияннин Дагъусттаннал циняв щархъурду дузал дан най дур медициналул оборудованиялул лащу-щаллу бувсса ФАП-рдал.
