Уттизаманнул тIалавшиннарду

[dropcap]В[/dropcap]а заманнай телефонну канихь дакъасса инсан цаягу акъахьунссар. Гьай-гьай, ми дакъа чара бакъасса затру дур. КьатIув, хIаятраву, паркраву сайрданий,

кафердаву дукралух жулла итталун дагьай цара ца сурат: телефоннал экрандалия ябатIин къахъанахъисса инсантал.
Телефонная, планшетирттая, гаджетирттая ва комьютердая инсантуран хъунмасса хайр бунугу, заралгу бакъа бакъар.


ЦIанасса чIумал инсантураща бюхълай бур миннул кумаграйну аьркинсса информация ххал бан, дунияллул зуманийн оьвчин, анаварсса кумаг тIалав бан, цалла кIулшиврул даража лавай бан ва м.ц.
Миннуя зарал бакъар учингу къабюхъанссар: бунияласса дунияллух гъира лещанцIакул жагьилтал ва дуклаки оьрчIру чIун гьан дуллай бур хияллал дунияллий – интернетраву. Миннан хIисав хъанай бакъар цала лагма-ялтту хъанахъимур, личIи-личIисса багьу-бизулул къяртрал ми кIункIу буллай бур хъяврин­сса дунияллийн.
Уттисса заманнай интернет ишла къадурну щаллу хьунгу бюхълай бакъар. Амма, цимурцаннул кунна, интернет ишла даврилгу кьарал дикIан аьркинни, муния жулла цIуллу-сагъшиврун хъунмасса зарал биллалишивугу дакIнину.

Камила МахIаммадовал,
ДГУ-лул филологиялул факультетрал журналистикалул отделениялул 3-мур
курсирал студенткал