[dropcap]И[/dropcap]нтернет дунияллийн дуркния шинмай инсантурал луттирдахсса гъира левщунни. ХьхьичIва дуклаки оьрчIру, библиотекарттавун занай, луттирду ккалай, кIичIирттаву дустуращал тIуркIутIий, шаппай батIин къашайссия.

Уттирив,ф телефонну, планшетру, компьютерду бухьувкун, ми чIярумур чIун интернетраву гьан дуллай бур. Му тамаша бизансса ишгу бакъар, интернетрал кумаграй аьркинмур бигьанна лякъин бюхълай бур: кинорду, электрон кьяйдалийсса луттирду ва личIи-личIисса тIуркIурду. Нину-ппу дардирдахун багьсса ишругу чансса бакъар, оьрчIру интернетрахух лавгун, бунияласса дунияллия арх буцлай чIалай.
Ци-бухьурчагу, жунма, хъуниминнан, аьркинни оьрчIал ялув бацIаву ххи дан, миннан бувчIин буллан интернетраясса хайр ва зарал.