ТIайлабацIу вин гихунмайгу

Шамил Гъапуров

[dropcap]В[/dropcap]ай гьантрай ххарисса хаварданущалсса чагъар бувкIунни Хъусращиял шяравусса Гъапуров ХIажикариннул ва Баянатлул кулпатрайн.

Севастопольлай аьралуннаву къуллугъ буллали­сса, хъунама матроснал чиндалувусса вайннал арс Шамил Гъапуров цимилгу лайкь хьунни барчаллагьрал чагъардан ва хIурматрал грамотарттан.


Имара Саидова
Аьрали автомобилистнал кьинилун ва 110 шин аьрали автомобильданул аьрал хIасул шаврил кьинилун хасну, Аьралуннаву къуллугъ бавриву дур­сса хьхьичIуннайшивурттахлу, ларайсса низамрахлу, эбратну аьрали техника ядаврихлу Шамил цал ттигу лайкь хьуну ур ХIурматрал грамоталун.

Шамил къуллугъ буллали­сса 83576-мур аьрали частьрал командир, полковник Игорь Волковлул уттигъаннугу ванал нитти-буттайн барчаллагь баян буллалисса чагъар бувкIссия.

Командирнал чагъарданий личIинува кIицI лавгун бия вай ххару: «ХIурмат бусса ХIажикарин ва Баянат! Зу оьрчIру хъуни буллай бивхьусса захIматрал хIасиллу пахру бан лайкьсса дур. Хъунмасса барчаллагь укун эбратрансса, Ватан ххирасса арс тарбия аврихлу», -тIисса.

Шамиллул аьрали къуллугъ баврил чIун къуртал хьуну дунугу, гьарца аьрали иширттаву хIарачат бусса, итххявхсса жагьил аьрали командиртуран махъунай итаакьин ччай бакъар, контракт лахъи дурну, уттигу тиккува ацIу тIий бур ванахь.
ТIайлабацIу хьуннав, Шамил, вин! ЧIа тIий буру вин вила нину-ппу муниярвагу лавай бансса хьхьичIуннайшивуртту.