[dropcap]И[/dropcap]юньдалул 12-нний, Аьрасатнал Кьини, ДР-лул Культуралул министерствалул, Республикалул Халкьуннал творчествалул къатлул сакин дурну, муниципал сакиншиннардал гьурттушиврийну, хьунни «Аьрасатнал чIурду» тIисса цIанилусса фестиваль.
Бадрижамал Аьлиева
Фестиваль хас дурну дия Бюхттулсса Ххувшаврин 75 шин шаврин. Мунил цалчинсса ятIап, цIанасса тагьаргу хIисавравун ларсун, хьунни дистанцион журалий, яни манзилданий.
Фестиваль дуллалиминнал мурад бур махъа нанисса ник ватан ххирану тарбия шаву, балай учаврил усттаршиву ларай даву.
Фестивальданул кIилчинмур ятIап хьунтIиссар июль зурул 26-нний МахIачкъалалив, дистанциялиймур ятIапрал язими балайчиталгу гьурттуну.
