[dropcap]Б[/dropcap]уттал КIанттул цIанийсса Хъунмасса дяъвилий Ххувшаву ларсун 75 шин там шаврин хас дурсса шадлугъирттал лагрулий Хъусращиял шяраву хьунни дучри ххяххан баврил бяст-ччал.
Муний гьуртту хьунни Хъусращиял, Ккуллал, Цалчинмур ЦIувкIуллал ва Хъюйннал шяраваллавасса дучри ххяххан бувулт.
Зулайхат Тахакьаева
Тамашалийн бувкIун бия вай щархъавасса инсанталгу.
Ххув хьунни Хъусращиял шяраватусса жагьилсса бурттигьу Амрет Ванатиев. ХьхьичIун бувксса бурттигьалтран дипломру ва арцуйнусса бахшишру дуллунни Ккуллал райондалул бакIчи Шамил Рамазановлул.
Цалла ххувшаву Амрет хас дуллай ур Ххувшаврил цIаний жанну дуллусса шяравучутуран.
