[dropcap]И[/dropcap]юньдалул 22-нний, Буттал КIанттул цIанийсса Хъунмасса дяъви байбивхьусса кьини, Каспийскалий Аьрайн лавгсса арсурваврал дардирайсса ниттин дацIан дурсса обелискрачIа хьунни инсаниятрал тарихраву яла оьхIалмур дяъви байбивхьуну 79 шин шаврин хасъсса митинг.
Бадрижамал Аьлиева
Митинграй гьуртту хьунни Каспийск шагьрулул бакIчи МахIаммад Аьбдуллаев, шагьрулул депутатътурал мажлисрал председатель АьвдулвахIид Жаватов, Каспийскаллал флотилиялул командующий Сергей Пинчук, шагьрулул идарарттал зузалт.
Митинграл гьурттучитурал обелискрацI дирхьунни тIутIив.
Митинграй махъ лахълай, шагьрулул бакIчинал хъиривчу Загьирбаг ТIаибовлул увкунни:
— 1941-ку шинал июньдалул 22-мур кьини – му тарихраву ца яла рахIму бакъамур, яла чIявусса оь экьибувтIумур дяъви байбивхьусса кьинир, цилгу паракьатсса оьрмулий ялапар хъанахъисса совет агьалинал кьадарду ла-ялун бувсса. 1418 хьхьу ва кьини най бивкIсса дяъвилул 27 миллион совет инсантурал оьрмурду яла лавсъссар.
Каспийск шагьрулул агьалинал биялсса бутIа бивхьуссар аьмсса ххувшавриву. Жулва бурж – махъа нанисса никирттайн Хъун дяъвилул вирттаврал аьпа, миннал чувшиврул кьадру биян бавур.
Махъру ялагу лавхъуна шагьрулул Аьрали комиссариатрал отделениялул начальник Мухтар Аьлиевлул, хьхьирил бахьттагьалтрал полкрал командирнал хъиривчу Николай Гончаровлул ва м.ц.
