[dropcap]И[/dropcap]юньдалул 19-нний Ххуллул Федерал агентствалул каялувчинал хъиривчу Игорь Костюченкол каялувшиврий хьунни «Мюхчансса ва ххуйсса ххуллурду» тIисса национал проект

дузрайн дуккан даврил хIакъиравусса селекторданийхчинсса батIаву. Муний гьуртту хьунни ДР-лул ХIукуматрал Председательнал Цалчинма хъиривчу ХIажимахIаммад ХIусайнов, ДР-лул транспортрал ва ххуллурдал хозяйствалул министр Ширухан ХIажимурадов, МахIачкъала шагьрулул бакIчинал хъиривчу Апанни Хайдакьов, «Ккавкказ» Упрдор ФКУ-лул МахIачкъалаливсса филиалданул директор Сиражуттин Айгумов.

---

Ххал бивгьунни нацпроектрал лагрулий дузал дуван аьркинсса давуртту цила чIумал ва ххуй-хъинну бартдигьаврил масъала, хаснура, 2020 шинал кIилчинмур кварталданул хIасиллайну цIакьгу дурну, регионнайн тапшур дурсса бюджетрал арцу салкьи даву.
Дагъусттан гьуртту хъанай бур «Ххуллурдал сеть», «Ххуллурдал хозяйство лядуккаврил аьмсса системалул чаранну» ва «Ххуллийх бачаврил мюхчаншиву» тIисса нацпроектирдавух.
Регионнал проектирдан дичайсса арцул аьмсса лагру дур 1,8 млрд. къуруш, миннувату 800 млн. федерал бюджетрал арцу дур, 1 млрд. къуруш республикалул бюджетрал дур.
«Ххуллурдал сеть» тIисса региондалул проектрал лагрулий бакьин бувантIий бур 85, 3 километра региондалул даражалийсса ххуллурдал ва МахIачкъалаллал кIичIираваллил ва ххуллурдал сетьрал. Вай давурттан харж буван аьмну ккаккан бувну бур 1,6 млрд къурушрал.
Республикалул даражалул 5 объектрай дайдирхьуну дур давуртту.
МахIачкъалалив бакьин баврил давуртту дувантIий дур 85 кIичIираву,ми давуртту лахъи лагантIий дур гьашину ноябрданийннин.