Шагьрулул агьалинал мюхчаншиву дуручлай

Шагьрулул агьалинал мюхчаншиву дуручлай

МахIачкъала шагьрулий чIявусса инсантал заназисса кIанттурдай – ХIамзатовлул/Ярагъскийл ва Шамиллул/ ХIамидовлул кIичIирттал шанбачIурттайсса «Зеленое яблоко» супермаркетирттал чIарав,

КIилчинмур базаллучIа ва ЦIумадинский базаллучIа шагьрулул администрациялул «Махачкала-1» МБУ-лущал цачIуну бивхьунни агьалинал мюхчаншиврунсса комплексру.


Зулайхат Тахакьаева
Шагьрулул мэр Салман Дадаевлул бусласимунийн бувну, комплексру бишин язи бувгьуну бур яла агьалинал ша чIявусса кIанттурду. КIицI лавгунни, комплексру бишин маслихIат буллай, цачIанма соцсетирдай чичлай бивкIшиву шагьрулул агьали.
Укунмасса комплексру чIя­вусса инсантал заназисса цайми кIанттурдайгу бишин дакIний бушиву бувсунни.
— На нава цалчин увххун ххал бав комплекс. Вайминнайнгу оьвтIий ура, ттучаннава ва базардава бувккун нанийни вай комплексирттавух буккаван.

МаслихIат бавияв бюхъавай шаппа-шаппа бацIан. Мунийну жура медициналул зузалтрая гьиву яла ласласиссару,- увкунни Салман Дадаевлул
КIицI лавгунни хаснура къулагъас дуллай бушиву СOVID-19 цIуцIаву ялун лирчусса къатрах. Вай къатрал подъездирттаву Аьрасатнал МЧС-рал Дагъусттаннайсса управлениялул зузалтрал дуллай бусса бур дезинфекциялул давуртту. Кьинилун кIийлла дезинфекция дайсса дур шагьрулул агьамми кIичIирттавугу.
Шагьрулул бакIчинал кIицI лавгунни дезинфекция дайсса затру инсантуран ва ххяххиярттан заралсса дакъашиву.

Читайте также: