Республикалий апрельданул 24-нний дургьуну дур 107,1 азарда гектар инттухъуруннал. Мунил хIакъираву бувсунни ДР-лул Шяраваллил хозяйствалул министерствалул прессалул къуллугърал.

Республикалий дугьан аьркинну дур цинярдагу 225 азарда гектар хъуруннал. ХьхьичIунну зий бур Сергокъалаллал, Къарабудахккантуллал, Къумтуркъалаллал, Рутуллал, Буйнакс­каллал, ЧIарадиял ва Хасавюртуллал районнал хъузалт. ХIакьинусса кьини инттулачIа ва шагьнал лачIа бувгьуну бур 23,1 азарда гектарданий, техникийсса ххяххияртту – 5,5 азарда гектарданий, ярмалунсса урттурду – сайки 51 гектарданий, бахчалул ххяххияртту – 3,5 азарда гектарданий. Гьашину нувщи бугьантIий бур сайки 20,9 азарда гектарданий, ахънилсса – сайки 50 азарда гектарданий.

Ттинин нувщи бувгьуну бур 9,7 азарда гектарданий, ахънил­сса – 14,4 азарда гектарданий.
Гьашину цIусса багъру бу­гьантIий бур 916 гектарданий, къюмайтIутIи – 1400 гектарданий.

ХIадур бувссар
ХI. Аьдиловлул