Ххувшаву ларсун 75 шин хъанахъисса хъунна­сса шадлугърал кьини, цуксса хIайпнугу, аьдатравун багьсса гьашинумур «БивкIу бакъа­сса полк» билаятрал регионнай онлайн-режимрай бачинтIиссар.

Ххувшаврил волонтертал анаварсса мутталий цачIун хьуну, хIадуршинна дурну дур билаятрал телеканаллай, онлайн-кинотеатрдаву ва личIи-личIисса интернет-майданнай майрал 9-нний Хъун дяъвилул ветерантурал суратирттал кьюкьри ккаккан дан.

Жулла республикалул телеканаллайгу вара журалий нантIиссар ветерантурал суратирттал видео-ряд. Ва онлайн-акциялий гьуртту хьун ччиминнаща цIанава бюхъайссар цала ттаттахъал, уссурссуннавасса ветерантурал суратру тIайла ду­ккан «Одноклассники», «ВКонтакте» приложениярттавусса «Бессмертный полк-онлайн» тIисса адресрайн ягу

https://2020.polkrf.ru/
https://sber9may.ru/ сайтирдайн.