Ина бувмур сававну лякъиннав

Ина бувмур сававну лякъиннав

Ва цIанасса коронавирусрал инфекциялуцIун дархIусса Дагъусттаннайсса тагьарданул аьч бунни жула медициналул идарарттал даража, чIалачIи бунни цукун хIадурну буссарув жува укунсса иширттайн.

Бувагу хIадурну къалявкъунну. Оьрмулун нигьачIаву дусса шартIирдай зузисса хIакинтал ва чIивимур медперсонал цала оьрму, цIуллу-сагъшиву мюхчан данмунилвагу дузал бан къавхьунни цIуллу-сагъшиву дуруччаврил министерствалуща. ЗахIматсса тагьарданул мукунна аьч дунни жула халкьуннал чумартшиву, ка тIитIаву.

ДакIнихтуну барчаллагь тIий буру Дагъусттаннай­сса тагьардания бавну цила чулуха шайсса кумаг бан ччан бивкIсса Иваново областьрай ялапар хъанахъисса Хъюллал шяравасса Ильясова Наида Куртуллаевнайн. Новостройрал ва МахIачкъалаллал азарханардал анаварсса кумагран ванил гьан дунни 2 азарда маска ва 100 комбинезон.

Цадакьа хьуннав. Ина бувмур сававну лякъиннав.
«Лакку билаятрал рухI»
группа

Читайте также: