«Вай ххуллурду жунма хъамабитан къабучIиссар…» тIисса ихIсандалул акциялул лагрулий бугьараминнансса интернатрал къатраву МахIачкъалаллал 5-мур

искусствалул школалул преподавательтурал ва тарбиячитурал ккаккан дунни Ххувшаврил байрандалун хас дурсса концерт. Ва даврил сиптачиталну хьунни Дагъусттаннал Музыкантътурал союз ва республикалул дяъвилул ва захIматрал Ветерантурал совет.

---

Имара Саидова
[dropcap]Ш[/dropcap]икку гьуртту хьунни искусствалул школалул преподавательтал: Арсен Тляхурай, Наргиле ХIусайнова, Зульфия Къаллаева, Карина Марданова ва чIава пианистътал, балайчитал, инструментирттай руцулт ва цаймигу.

Дяъвилул балайрду тIутIисса артистътуравух хIала бувххун къавтIий-балайрду тIий, тяхъа бувккун бия ветерантал цивппагу, ва кьини цахара дурсса аякьа бусрав хьуну, цивппа таза-тяхъа буккан баврихлу дакIнихтунусса барчаллагьрай бия.