Ккуллал шяравугу исвагьисса парк

Ччянива, СССР хIукумат сакин хьусса чIумалва, бивкIссар шагьрулул ва шяраваллил дянивсса тапаватшиву чан дан аьркинссар тIисса умудру. Махъсса шиннардий Ккуллал райондалийгу

хъанай дур шяраваллал инсантуран хIалурду щаллу дуллалисса давуртту: асфальт бавкьусса ххуллурду, инсантал бигьалаган батIайсса клубру, библиотекарду, ФАП-ру, школарду, спортрал комплексру ва м.ц.


ДакI ххари дуллалисса давурттуну хьунни дукIу Хъусращиял ва Вихьуллал шяраваллал жяматру бигьалагансса паркру баву. Ми паркру тIитIин МахIачкъалалия бувкIун буссия хIурмат лавайсса лакрал миллатрал вакилталгу.
Вана утти буллай байбивхьунни Ккуллал шяравугу гьарта-гьарзасса парк. Ва бан най бур Хъун дяъвилий гьуртту хьусса чиваркIуннан дацIан дурсса гьайкалданул лагма. Вай давурттугу дуллай бур «Комфортная городская среда» тIисса республикалул программалул лагрулий
Кабакьиннав дуллали­муни­цIун.