[dropcap]И[/dropcap]юньдалул 1-нния тиннай щурущи дуван хасъсса кредитрал программа ишбажаранчишиврун кумагран. Му ишла дуллан хьунтIиссар щавщи бивсса циняв арардал идарарттаща,
мукунна социал давурттаха зузисса НКО-рдаща. Кредитрал лагру хъанахъиссар ца зузалан 1 МРОТ хIисавну 6 зуруйсса. Кредит лахъан аьркинссар 2021 шинал апрельданул 1-ннийнин.
ХIасан Аьдиловлул
[dropcap]З[/dropcap]арал бивсса арардал идарарттал ишла буллай бур налогирттал ва страхованиялул платежирттал отсрочка 6 зуруйсса, яла ми лахъан чан-чанну тIий шинал мутталий.
Цалла даву дачин дурсса инсантал (самозанятые) сияхIрайн лавсун бур 23 региондалий, ми ур 650-лаксса инсан. Миннан дуллалиссар «налогирттал капитал» ца МРОТ-рал дуциндарайсса. Миннух хьунтIий дур налогирттал платежру лахъан, цаллами арцу ишла къадурну.
Гьашину дуван ккаккан дурну дур налогирттал вычетру ца МРОТ-рал дуциндарайсса страхованиялул взносирттал аралун хасну. Му кумаг буллалиссар яла хъунмур зарал бивсса ишбажаранчитуран.
Федерациялул циняв субъектирдай хьхьичIунну зий бур ишбажаранчитуран арцуйнусса кумаг буллалисса паччахIлугърал идарартту. Ми идарарттан буван аьркинни докапитализация ва миннун тIайла дуккан 12 миллиард къуруш.
