[dropcap]А[/dropcap]прельданул 28-нний Аьрасатнал Президент Владимир Путиннул, гьартасса батIаврил лагрулийсса тIайланнасса эфирданий ихтилат буллай,

ХIукуматрайн тапшур бунни коронавирусрал инфекция ппив шаврил тагьарданий бизнесран ва инсантуран кумаг бансса чараннал документру хIадур буван.

---

БатIаврий гьуртту хьунни регионнал бакIчитал, ХIукуматрал члентал ва Президентнал администрациялул вакилтал. Муний гьуртту хьунни Дагъусттаннал БакIчи Владимир Васильевгу.
Президентнал дакIнийн бувтунни уттинингу бувсун бивкIшиву кулпатирттан ва бизнесран кумагрансса чаранная. Мунал тIимунийну, ми давур­тту бартдигьин аьркинссар щаллуну. Президентнал бувсунни мукунма самоизоляциялул чIун лахъи лаган дуван багьну бушиву майрал 12-ннийнин: майрал 1-нния 11-ннийнин билаятрай баян бувну бур къазузи кьинирду хъанай душиву.
Президентнал бусаврийну, эпидемия ппив шаву хIурхIа лаган дуван бювхъуну бур, амма мунил яла къизгъинмур чIун уттигу къаларгун дур, инсантал къашавай хъанайнма бур.
ЦIанасса ппурттуву инсантуран аьркинну бур, низам дурур­ччуну, шаппа бацIан, яла чан-чанну тIий самоизоляциялул тагьарданува букканшиврул.

Владимир Путиннул АьФ-лул ХIукуматрайн ва Роспотребнадзорданул управлениялийн тапшур бунни майрал 5-ннийнин хIадур дуван чIумуя чIумуйн (поэтапно) самоизоляциялул тагьарданива буккан­сса мухIлухIин, майрал 12-нния махъ регионнащагу бюхъаншиврул хIадур дуван цалламигу предложенияртту. МуницIунма Владимир Путиннул бувсунни самоизоляциялул тагьарданува букканшиврул хIисавравун ласун аьркиншиву регионнайсса тагьаргу.

ХIадур бувссар
ХI. Аьдиловлул