Бусурманнал рувхIаний идаралул вакилтурал баян бунни гьашину Рамазан барз байбихьлахьишиву апрель зурул 24-нний, нюжмар кьини. Къуртал хьунтIий бур май зурул 23-нний.

[dropcap]З[/dropcap]умаритавал байран кьини май зурул 24-ннийн тIайла дацIлай дур. Шяъбан зурул махъра-махъсса хьхьуну МухIаммад Идавсил (с.аь.с.), вяъза ккалай, увкуну бур: «Ттул уммат, бувкIунни циву чIярусса хъиншивуртту дусса барз, циву дусса ца хьхьу азарва зурул багьасса, Аллагьнал амру був­сса зума дугьан, дяхьхьуниву ивзун, Аллагьнайн эбадат дурну хъинсса. Ва зуруй ххуйсса тIул дурну, АллагьначIан гъан хьун хIарачат бувма, лавхьхьуссар 70 паризасса тIуллу вайми зурдардий дурманаха.

[dropcap]В[/dropcap]а ссавурданул барзри. Ссавур дурманан ссайгъатну хьунтIиссар Алжан. Ва зуруй кувннал кувннан кумаг байссар».
Идавсил (с.аь.с.) ялагу увкуну бур: «Инсантуран кIулну бивкIссания цукунсса барзрив Рамазан барз, миннан ччан­ссия щалла шин Рамазан дуну». Ялугьланну Аллагьнал хъун бувсса Рамазан зурух.