Магьирлугърал идарартту чIумуйнусса зунтIий бур онлайн-кьаралданий

Коронавирусрал инфекциялия агьали мюхчан баву мурадрай, республикалул театрду, музейрду, библиотекартту чIумуйнусса зун тIий бур онлайн-кьаралданий. Музейрдал буллантIий бур экскурсияртту, ккаккияртту, мастер-классру, лекцияртту.


Театрдал ккаккан буллантIий бур спектакллу, концертру, артистуращалсса интервьюрду. Магьирлугърал министерствалий бувсунни, гьарца онлайн-мероприятиярттал афиша рищунтIишиву идаралул сайтрай. (@minkultrd).

Youtube, Rutube, Yandex-видео видеохостингирттай Лакрал театрданул ккаккан бантIий бур театрданул 80 шин шаврил юбилейрал шадлугъ; спектакллу: «ПартIу ПатIима», «Скапеннул хIилларду», «Бургъил ккуртта», «Оьрмулул чарх».
Онлайн-трансляцияртту дайдишаван тIий дур 15.00. ссятраву.

Зулайхат Тахакьаева