Кьамул бунни агьали

Кьамул бунни агьали

Февраль зурул 27-нний Дагъусттаннал региондалийсса «Единая Россия» партиялул жяматийсса приемнайлуву агьали кьамул бунни АьФ-лул ПаччахIлугърал Думалул депутат Аьвдулмажид МахIрамовлул.

Имара Саидова
Коммунал хIаллихшиннардан булун ккаккан бувсса субсидияр­тту къабуллай бур тIий, шикаятрай бувкIун бия Ккуллал райондалия­сса Аминат Кьурбанова. Ванил бувсунни цуппа 50-хъул шиннардий зий бивкIшиву хIукуматрал даврий ва утти цинна газрах дагьай­сса субсидияртту къадуллай бушиву. Депутатнал гава ссят муниципалитетрал хъунаманая тIалав бунни ва масъалалул хъирив лаян.

МахIачкъалалиясса МахIаммад МахIаммаднабиев увкIун ия, цува цимилгу лавгра полициялийн ва прокуратуралийн, цала аьрщарая дарцусса бетондалул плитардал хIакъираву дело сукку дара тIий, амма муних къулагъас дуллай бакъар тIий. Ва масъалалул хIакъиравугу хIукму бунни респуб­ликалул прокуратуралийн хасъсса чагъар чичинсса.

«Жизнь без слез» тIисса жяматийсса идаралул каялувчи Аьйшат ХIамзатова бувкIун бия цIуллу-сагъшиврул мушакъатшиву ду­сса оьрчIансса центр тIитIинсса аьрщи итадакьаврил масъалалул хIакъираву кумаг тIалав буллай. МахIрамовлул бувсунни Республикалул ХIукуматрайн гьан бувшиву депутатътурал чулухасса ва масъалалул хIакъиравусса чагъар ва хIакьинусса кьини му ххал бигьлай бушиву.

Бия ялагу цала-цала мурадирттал ялув бувкIсса инсантал. ЦачIанма бувкIсса цинявнналагу хIакъираву депутатнал ккавккунни хасъсса маслихIатру ва ми щаллу баврил ялув бацIаву тапшур дунни цала кумагчитурайн.

Читайте также: