ХIадур хьияра гьунарду ккаккан бан

Республикалул агьалинайн оьвтIий бур «Дагъусттаннал вир­дакI» тIисса ДР-лул ХIукуматрал премиялийнсса конкурсравух гьуртту хьун.


З. АьбдурахIманова
Республикалул Халкьуннал творчествалул къатлул пресс-къуллугърал бусаврийну, ва премия ккаккан дурну дур халкьуннал художествалул творчество ва ирсирайсса культура дуручлачисса ва хьхьичIуннай дуллали­сса проектирдан. Премиялул лаг­ру дур 100 азарда къуруш.

Конкурс нантIиссар цимирагу номинациярттайх дар­чIуну. Миннувух, мисалдаран, дикIантIиссар «халкьуннал макьанну», «жагьилсса гьунарчи», «ирсирайсса халкьуннал культура» тIисса ва цаймигу номинацияртту.

Аьрзарду кьамул буллан­тIи­ссар ва шинал октябрьданул 1-ннийнин МахIачкъалалив ва адресрай: Олег Кошевойлул цIанийсса куча, 35 «а».