[dropcap]Ф[/dropcap]евраль зурул 1-нний 1971 шинал, ТУ-16 тIисса цIусса самолёт­рал хIал ккаклай унува, ивкIуссар Совет Союзрал

кIийла Виричу, СССР-данул лайкь хьусса лётчик-испытатель, подполковник АхIмад-Хан Султан.

---

ПатIимат Рамазанова
ЦIанихсса лётчикнащал архIал ливтIуссар 3-мур классрал лётчик-испытатель Евгений Венедиктов, 1-мур классрал штурман- испытатель Вильям Михайловский, авиадвигательлал хIал ккаклакисса хъунама инженер Радий Ленский, бортрадист-испытатель Алексей Воробьёв. Вайннащал экипажраву икIан аьркинну бивкIссар хъунама инженернал кумагчи Вячеслав Мокроусов, амма ва чIал хъанай ивкIун ур, мунияту командирнал хIукму бувну бур ва акъанува леххан.

Тания шихунмай кьабагьлай бакъар самолёт дагьаврил версиярттал ялувсса хавардугу. Къиримнал журналист Ибраим Военныйл уттигъанну чивчунни циняв версияртту аьщу-дазуй авцIуну ххал дигьлагьисса макьала. Ва макьала социал сетирдай машгьурну дур, вания гъалгъа тIий бур, чичлай бур.

Аьрасатнал Виричу, СССР-данул лайкь хьусса лётчик- испытатель П. Казьмин ур: «Экипажрал ца член акъанува ссавруннайн гьаз шаврилли бала бувцусса, му гьаваллаву испытат буллалисса двигательданул хъирив ацIанмая, муналмур давугу агьамссия »,- тIий. Цалчинмур классрал аьра­ли лётчик Юрий Фёдоров ур АхIмад-Хан Султан аьйкьуссар тIисса иш бикIан къабюхъай­ссар, авиациялул ас, опыт бу­сса, сивсусса, даву канилух дурк­сса лётчик-я, та, цIанилва душмантуравун зурзу бутайссия тIий. Пикрирду кувнния кув арх­сса, личIи-личIисса бур.

---

Къиримнал журналист Ибраим Военныйл утти­гъанну чивчунни циняв версияртту аьщуй-дазуй авцIуну ххал дигьлагьисса макьала. Ва макьала социал сетирдай машгьурну дур, вания гъалгъа тIий бур, чичлай бур.

---

Гьаннайсса, самолет пIякь учаврил ссигъа ссигъанува ливчIун бур. АхIмад-Хан Султан политикалул иширттавух хIала уххайсса инсан къаивкIун ур, мунал давугу, оьрмугу, массавгу – ссав ва самолетру диркIун дур. АхIмад-Хан Султан цала машгьуршиврия ламус буллалисса, цалва гьунардая зумавагу къаахъай­сса аьрали лётчик ивкIун ур. Ванал ссурахъу Небир Садлаев буслай ур, Алупкалийсса цалва бюстрал чIарах нанийни, АхIмад-Хан, яругу лабитлай, дири уккай­ва, хъамаллуран ва экскурсоводтуран цува къаувчIиншиврул тIий.

Ссавруннах эшкьи хьу­сса ванал жангу дуллуну дур бюхттулний. Ссавруннай. Учарухха, эшкьилул ччувччума куну. Ссавруннахсса эшкьилул ччувччуну лавгсса кунмасса бивкIу хьуну бур. Гьашину АхIмад-Хан ниттил увну 100 шин хьунтIий дур. Ва сурат ттучIан гьан дунни АхIмад-Хан Султаннул ссурахъу Алла Аппазовал.
Суратрай АхIмад- Хан усси­щал Имраннущал ва Аьра­сатнал халкьуннал артист Яра­гъи ХIажикьурбановлущал. ВайнначIа бавцIусса чIивисса душ цурив Аллан кIулну ба­къар, кIул буван къахьунссияв тIий бур. Бюхъай Ярагъи ХIажикьурбановлул душ бикIан­гу, бусияра кIулнал.
КIилчинмур сурат ларгмур шинал дунияллия лавгсса тарихчи, чичу Дундар ХIажиевлул архивраватуссар. Ваний уссищал, Имраннущал, ур АхIмад-Хан Султан. Къиримнал кказитирттай, мукунма социал сетирдайсса къиримнал сегментрай ва блогирттай ва суратгу, суратрал хIалкьазия бусласи­сса Дундар ХIажиевлуясса ттул текстгу машгьурну дур тIий бур Алла Аппазова.
АхIмад-Хан Султан, цала тIийкун, Совет билаятрал арсри. Дунияллия лавгун махъгума Дагъусттаннал, Аьрасатнал ва Къиримнал агьулданул дусшиврул арарду цIакь дуллали­сса асланни.