[dropcap]М[/dropcap]ахIачкъалаллал гумани­тар-педагогикалул ко­лледж, ларгсса шиналсса хIасиллайн бувну,

хьхьичIунсса ттуршуннивун багьаврихлу Мос­кавлив «Инновации и развитие» тIисса дунияллул халкьуннал дянивсса форумрай ларайсса бахшишран лайкь хьунни. Вай барча буван, вай гьант­рай колледжравун бавтIунни Дагъусттаннал ХIукуматрал ва БакIчинал администрациялул управлениялул, Национал политикалулсса буллалисса министерствалул ва муфтиятрал вакилтал.

-АцIния шанна шинал му­тталий колледжрал хIадур був­ссар чIявусса пишакартал, ми зий буссар республикалул идарарттайгу, кьатIувгу. Студентътурал мудангу хьхьичIунсса кIантту бугьай личIи-личIисса конкурсирттай, уттигъанну Севастополлай хьусса IT фестивальданийгу цалчинмур кIану бувгьуссар, — кунни директор Жаннат Темуркаевал.

Национал политикалул­сса буллалисса министерствалул цIаниятусса бахшишгу дуллуна ва кьини колледжрал директорнан. Ккаккан дуруна колледжрал оьрмулия ва хьхьичIуннайшивурттая бусласисса видеосуратгу.

П. Рамазанова