Декабрь зурул 21-22-нний Дарбантуллал шагьрулий хьунни чIава жагьилтурал дянивсса дзюдорал турнир.

Аьдатравун дагьну дур ва турнир ЦIусса шинал байранналул хьунийн дуллалаву. Гьашинусса турнирданий гьур­тту хьунни республикалул шагьрурдаясса ва районнаясса чIава спортсментурал командар­тту. Мукунна гьуртту хьунни чIаххуврайсса Азирбижаннал командарттугу.

ХьхьичIунсса хIасиллу кка­ккан дунни шикку гьуртту хьу­сса ЦIуссалакрал райондалул 1-мур ДЮСШ-рал дзюдоистурал. Турнирданий гьуртту хьусса ЦIуссалакрал райондалиясса 20 спортсменнава 11-ннал бувгьунни хьхьичIунсса кIанттурду.
ХIажиев ХIажимурадлул, МахIаммадов Рашидлул, Муслимов Адамлул ва Шапилов Нагбардул бувгьунни цалчин­сса кIанттурду.

КIилчинсса кIанттурду бувгьунни Бутанов ХIамзатлул ва МахIаммадов Аьбдурашидлул. Шамилчинсса кIанттурду бувгьунни МухIаммадов Рамазаннул, Мусаев Надирдул, Аьлиев Мусал, Абакаров Акбардул ва Илуев Исламлул.

Имара Саидова