[dropcap]Я[/dropcap]рагскийл цIанийсса кIичIираву 75 «а» къат­раву ялапар хъанахъисса агьалинал цачIусса аьрзирайн бувну, МахIачкъалаллал прокуратуралул хъиривлаявуртту дунни.

Агьалинал аьрза бур цала къатрал чIаравсса 1200 кв. м. аьрщарал цалалуш даврил хIакъиравусса. Прокуратуралул мяйжан бунни кIицI ларгсса аьрщи закондалул ххуттава бувккун дургьуну душиву. Прокуратуралул тIалавшинна дунни шагьрулул администрациялия аьрщи зана даву мурадрай судрайн аьрза чичаву.

Администрациялул буллу­сса аьрза ххал бувну, мунил мурад щаллу бунни. Ва бакъассагу, жавабрайн кIункIу унни кIия къуллугъчи.
Прокуратуралул чаран ля­къаврийн бувну кIицI ларгсса хIаятраву «Формирование современной среды» национал проектрал лагрулийсса давуртту дан бювхъунни.

Декабрь зурул ахирданий кIицI ларгсса къатраву ялапар хъанахъиминнал оьвкуну, прокуратуралул зузалт гьуртту хьунни лазилакьи дурну, чIюлу дурсса хIаят тIитIлатIисса шадлугърай.
Ва масъалалуцIун бавхIуну, шагьрулул прокуратуралул силистталул органнайн тIайла дурккунни хIарамзадашиву дурну 33 миллиондалунсса аьрщи цалалуш дан кьаст лархIусса инсаннал хIакъиравусса материал.
Юсуп Шахшаев, МахIачкъалаллал хъунама прокурор

ХIадур бувссар
А. Аьбдуллаевал