Декабрьданул 23-нний Дагъусттаннайн увкIунни Аьрасатнал Силистталул комитетрал председатель Александр Бастрыкин.
МахIачкъалаллал аэропортрай га хьунаавкьунни Дагъусттаннал БакIчи Владимир Васильевлул.
Миккува ххал бивгьунни республикалий законну ва аьдлу-низам, инсантурал ихтиярду дуруччаврил масъалартту.
Муния махъ Александр Бастрыкиннул Владимир Васильевлун дуллунни Буттал КIанттул цIанийсса дяъвилий ххув хьуну 75 шин шаврин хас дурсса медаль.
Му дакъассагу, АьФ-лул Силистталул комитетрал хьхьичI бивхьусса масъалартту ишакаш буван кумаг баврихлу Дагъусттаннал БакIчинан дурккунни «Лайкь шаврихлу» («За заслуги») тIисса му идаралул медальгу.
