[dropcap]Л[/dropcap]аргсса нюжмаркьини, чIявусса агьлугу бавтIун, Лакрал райондалий хьунни ШавкIрату ГьукIравсса ххуллу тIитIлатIисса шадлугъ.
Ххуллу бакьин бувну бур «Ттул Дагъусттан – ттул ххуллурду» тIисса программалул лагрулий.
Зулайхат Тахакьаева
[dropcap]М[/dropcap]у иширай хьуртту хьунни райондалул каялувчитал, депутатътал, идарарттал хъуними.
Райондалул бакIчи, «Единая Россия» партиялул кIанттул отделениялул секретарь Юсуп МахIаммадовлул кIицI лавгунни ххуллурду райондалул ва гьарца шяраваллил иширттаву цалчинсса ххуттай бушиву.
Бувсунни «Ттул Дагъусттан – ттул ххуллурду» тIисса проект зий душиву республикалул шагьрурдал ва шяраваллал машиналул ххуллурдал тагьар ххуй даврил ялув. Ххуллурду ххуйсса тагьарданийн буцинсса программалул яла хьхьичIунма сиптачинугу ур цува Республикалул БакIчи Владимир Васильев.
Ва проект щурущи дан Лакрал райондалун итадаркьуну диркIун дур 1 млн. къурушрал.
ЦIусса шинал кIирагу шяраваллал агьалинан хъинсса бахшиш хьушиву кIицI лаглай, Юсуп МахIаммадовлул бувсунни ялун нанисса шинавугу шярава шяравунсса ххуллурду бакьин баву хьхьичIххуттай дикIантIишиву.
